屋子生活 (Closed)

好無厘頭咁搭咗成粒幾鐘地鐵入烏溪沙食晏，原因就係呢間無敵休閒感嘅屋子生活✨ 環境就是一切，試問而家香港仲邊度有啲成個溫室咁大兼兩層高落地玻璃而又唔係富豪級消費嘅餐廳先😗如果淨係睇嘢食可以話偏貴，一個定食要八九十蚊，不過都係果句，環境已經抵返哂，而且餸菜其實有啲驚喜，關西牛肉好入味，個汁又幾甜，仲有啲疑似芋絲同樣索晒啲甜汁漢堡扒比想像中軟腍又冇筋，仲有好日本風嘅薯仔沙律，儘管個飯質感太腍，其他嘢都補足返✨另外因為到咗下午茶時間，就叫多咗個梳乎厘試吓，可能諗得太天真，見到榛子就以為係Nutella味，點知原來只係單純地將啲榛子碎同燕麥放向梳乎厘上面，早知叫柚子味啦😂