大阪日本料理 (Closed)

襯而家放暑假。。帶女女去食買玩。。話明食買玩。。首先就梗係要去醫飽個肚先啦我地今日活動係去尖沙咀。所以就去附近食lunch見個女成年讀書表現都好好。。搵間好野佢食。。帶佢食佢最鍾意食既魚生。因為小朋友關係。都想簡間穩陣d既餐廳。我地最後簡左大阪日本料理。去到佢自己睇menu好快就簡左佢招牌既🥰大阪魚生飯我就叫左薄燒牛定食2個餐都好豐富。。有漬物，湯，沙律，生果。。原來間餐廳最近先開番。。午餐有個優惠。每人都送刺身一客。。雖然我個女冇電話掃。。但侍應哥哥都送埋比我女女食。。開心死佢🤭。其實佢地個lunch set係好抵食。仲要係酒店入面。。安安靜靜咁食好舒服。下次要帶埋老公黎食晚餐先得👍