1
裝修富日式居酒屋風味
不過當然正統居酒屋唔會有咁鬆動既地方同埋感覺會更加親民啦!
先黎一個吞拿魚既前菜: 唔記得正確既菜名唔好意思..不過貼心既餐牌設計相信大家看圖識字冇難度啦! 份量比想像中要多..唔係只有薄薄既一層..酸汁都好惹味..但係魚既質素一般
河蝦煎餅: 好可惜係令人期望落空既一道菜..完全冇味唔係太見到蝦
鮭魚卷: 脆脆既紫菜包住厚厚既鮭魚再炸到半熟..其實成件事好簡單..但係就係平實直接既comfort food!
鮭魚茶漬: 估佢唔到鮭魚會係串燒上..油香令到完全冇味既茶漬變得豐富..有埋小食仲有得玩..食得開心
