GAVI

Open Now

Now Closed

今日去左觀塘新開既一間café，主打西日泰既菜式，一黎到好鐘意呢到既環境，夠大坐得好舒服。港式雞煲炸雞翼第一次見小食雞翼有呢個口味，食落真係有D似平時雞煲味。呢個帶少少辣，所以都幾惹味，而且每隻雞翼都好大隻，外皮好酥脆，啖啖肉。焗澳洲牛肋骨配泰式紅酒汁呢個係職員推介，因為見泰式紅酒汁幾特別咁。牛肋骨好軟糯，餐廳已幫手拆肉，可以就咁食就OK，好方便。個汁係有好少既辣味，加上配埋紅酒既甜味，夾埋好食! 配料仲有沙律，焗薯。龍蝦汁蟹肉意粉一向都好鐘意食意粉既我，今次都叫左個意粉! 蟹肉份量好多，基本上每啖意粉都一定有蟹肉。龍蝦汁味都好突出，整體個意粉好鮮味。利賓納荔枝乳酸梳打好岩打卡既一杯野飲，係有漸層架。最鐘意係佢唔會太甜，入面仲有2大粒荔枝肉。凍金箔椰青咖啡椰青味道清爽，搭配埋咖啡，飲落好fresh。