L'AMOUR

Open Now

Now Closed

星期一夜晚同朋友嚟咗太和呢間L’amour食西餐，以前經過呢間餐廳仲覺得好好奇，唔知係一間咩嚟，因為由外面望去裏面係完全睇唔到裏面有啲咩，好似落咗窗簾咁，好神秘。而當入去嘅時候你要先撳換鐘，然後侍應就會為你開門，好似拜訪人哋屋企咁。佢嘅餐單都好特別，係king size🤣瘦弱嘅女仔拎起可能會覺得重添！我同朋友叫咗個慢煮西班牙黑毛豬鞍配焦糖蘋果、法式香料烤龍蝦海鮮薏米飯、牛油烤焗美國甜番薯條。黎到咁有mood嘅環境，點可以唔飲返兩杯，於是我哋就叫咗杯old Fashioned同埋*Rose*rose不愧為餐廳推介，上面有一個波波，你可以拮穿佢或者等佢自己爆開，然後會有一股煙霧飄出，非常適合打卡。龍蝦海鮮薏米飯都令人好驚喜，估唔到佢係名副其實嘅薏米飯，全部都係薏米，第一次食，好特別！除咗環境令人好驚喜之外，侍應嘅服務態度都好好，可見餐廳真係落足心思。