新泰東南亞餐廳 (雙子匯1期)

Open Now

Now Closed

今日同朋友去啟德嗰邊行街，夜晚想食泰國嘢，睇一睇商場嘅介紹，發現有呢一間新泰東南亞餐廳，之前都喺尖沙咀食過，覺得食物都唔錯，所以決定食佢。上到嚟發現果然係新開嘅，特別靚，環境闊落，裝修又好舒服，環境100分👍🏻👍🏻👍🏻食物方面更加唔使講，全部都一如以往地好食，我哋叫咗香芒軟殼蟹米紙卷、泰式炸蝦餅、泰式青咖喱雞配印度酥餅同埋一個甜品芒果糯米飯，嘢飲就叫咗一個椰青同埋珍多冰。香芒軟殼蟹米紙卷值得推介，蟹肉鮮嫩，搭配芒果好清新。泰式炸蝦餅外脆內軟，蝦味夠濃，食落好滿足。泰式青咖喱雞味道香濃，雞肉嫩滑，配埋印度酥餅味道都唔錯。最後，芒果糯米飯分別有白糯米同埋紫糯米，口感軟糯，甜而不膩，真係必叫之選！