戀上台式料理 (Closed)

阿妹話將軍澳海濱長廊有間台式嘢唔錯，約我同阿女踩完冰去。＜戀上台式料理＞就起海濱長廊旁邊，環境非常好，日頭可以望住個海黎食，正!!!我去到時，阿妹已經叫晒所有嘢，我見到個燒肉拼盤，嘩！咁正既，賣相已經超吸引，佢話有一款係A5 。我二話不說當然即刻燒牛先，D牛既雪花紋唔錯，燒牛基本上都唔使燒太耐，開始變色基本上就差不多，油脂多好香，真係好好味。個拼盤仲有雞，豬同虎蝦，仲有串燒雞皮（阿女搶住食），虎蝦好彈牙好新鮮。除左燒肉我地仲叫左溏心蛋鰻魚飯，個溏心蛋剛剛好，鳗魚好好味，加埋D汁撈飯真係不得了阿女最興奮就係見到佢柸朱古力特飲，裏面仲加珍珠，我忍唔住都痴左幾啖，真係幾好飲，仲有咬口最後，甜品都係為阿女而叫，雪糕窩夫，有D士多啤梨醬起窩夫上，仲有藍莓，連埋雪糕一齊食，正！不過阿女淨係掛住個雪糕🤣下次日頭再黎，除左嘆食物仲要嘆埋個景先😍