屋子咖啡

Open Now

Now Closed

一向都響迎海的屋子咖啡食開，對於屋子的印象都係大闊高，今次同朋友來到大圍的屋子，第一個印象係超細，而且比較舊，同心目中的印象差好遠，但一入到去都見到好多人下。我地坐低叫左個雞塊飯同埋豬扒飯，仲有凍蘋果汁，都幾好飲，呢度食物價錢就同馬鞍山差不多，但係環境係更加舒服，因為馬鞍山有時候都會趕人走，出面門口太多人排隊，同埋比親D位都係麻麻地，但大圍呢間唔單止冇趕人走，店舖面積細反而比人一種溫暖的感覺，好似響一個小角落傾計咁。假日去屋子坐下都唔錯，前提當然係食得起先好，因為以午餐而言份量唔算太多，但係味道都還可以的，主要係賣相精緻一點，不過如果大食少少恐怕要叫多一個甜品，同埋位置比較遠，要行番一兩個字先到餐廳，門口等大約5分鐘左右，兩個人會快一點。