小神燈新派飯館 (Closed)

彩明小神燈價錢算公道，野食味道正常，本來都值得假日同家人飲茶食，但都有幾多改進既地方。----------1) 兩次飲茶張台都重有上手既殘渣，好污糟咁。     第一次去坐近沖茶位大圓台，塊淺啡色既台墊有勁多跡，又有d位好油。     全餐飯都唔係好想掂到塊野。之後再去，坐細啡台就好dd，建議一係唔好用塊墊好過。-------2) 茶好淡，淡到無味。茶壺太大，茶包又太少茶。     叫過普洱、鐵觀音，兩隻浸左好耐都係淡到飲水咁。話晒都收11蚊茶位，建議比多個茶包。------3)第一次坐果張台同收污糟碟個位只係隔一張大圓台，好清楚見到d廚餘點由個灰色盆彈上個透明易拉架度。   人地食完d頭頭尾尾、紙巾、牙籤、骨頭都好清楚咁見到點倒落個灰色盆度。講真餐廳收污糟碟一定有，但好少個收集位擺到咁近d客，   我都鄧隔離張圓台既客人慘，一路食一路身後就有全餐廳既廚餘係度處理，重要塊易拉架係透明+沾滿送汁殘渣。    我果張台都唔弱，兩個身位後就有一個大圓垃圾桶，一路食一路臭臭地。雖然你地係行大排檔風，都唔洗連大排檔既核突都抄埋掛。    建議收碟同處理廢物既位規劃得好d。------其它位重有：