餐廳都幾大，環境寬敞舒適，開揚明亮。最近無乜胃口，最啱食啲酸酸辣辣嘅菜式，所以我點咗老壇酸菜魚$88，老公就點咗生炒骨$69。套餐跟中湯同飲品，都算幾抵食。
1️⃣ 老壇酸菜魚🐟
魚片新鮮嫩滑，份量剛好，最重要係無腥味。湯底魚香味鮮，酸酸哋好開胃，如果可以揀辣度就更好了。裡面有芫茜、大豆芽菜、酸菜、幾款菇同紅薯粉做配菜，好味道！
2️⃣ 生炒骨🐖
我老公嘅至愛！色香味俱全，炒得好靚，色彩繽紛（紅椒🌶、青椒🫑、菠蘿🍍、紫洋蔥🧅），見到就流晒口水。個汁整得好惹味好正宗，好啱配飯食🍚，生炒骨肉質都算新鮮，配料都炒得好香口。
3️⃣ 雪山脆米朱古力🍫 特飲另加$12
朱古力味香濃😍，上面仲有一層阿華田味嘅粉同脆卜卜嘅米通，賣飛佛！真心好飲！
4️⃣ 龍鳳檸樂🍋 特飲另加$12
好耐無飲過鹹檸樂了，好懷念，加少少🤏🏽錢都值，啱晒宜家熱辣辣嘅天氣，好清爽呀！
另外忍唔住要讚一讚哩度嘅服務，職員好親切有禮，星級茶記！一定會再幫襯！
