Itamama (東港城) (Closed)

最近因工作關係，去了將軍澳，於是在附近東港城揾食。看見設計亮麗的歐陸餐廳，仲有霓虹燈招牌，亦有食物和飲品的展示區，座位也寬敞。魚柳芝士漢堡配田園沙律、香脆薯條，木板托上枱，漢堡飽唔算大，有2塊炸魚柳，魚肉軟，炸皮亦薄，吃起來唔乾硬。薯條連皮切條炸，外脆內軟，好味。牛肝菌焗豬扒珍珠飯（蛋炒飯底），焗到熱辣辣，芝士微焦，豬扒已切塊，令吃起來更方便些。另配有田園沙律，沙律菜爽脆，吃後令整個午餐變得均衡，更健康些。帆立貝海鮮菌皇龍蝦汁意大利飯，濕濕地，意大利飯質偏軟，有少少咬囗。海鮮有帆立貝1塊，2隻蝦，6-7隻白蜆，都很鮮甜。龍蝦汁唔太稠，飯粒吸龍蝦汁後，令人吃不停。飲品也有些特別，熱檸檬茉莉花茶，茉莉花茶加檸檬，清甜消滯。熱英式西柚紅茶，淡淡西柚味，仲唔係一杯杯，是兩大瓶 ，很難喝得完。