Video
Read full review
2020-02-02
607 views
今日約左朋友去觀塘區食飯行街, 因為唔係好熟路, 所以都係聽朋友講, 去邊就跟佢去邊。一直都有耳聞觀塘有好多隱世美食店, 今日就去左一間係工廈入面既樓上鋪「小伊甸」。本身無乜點留意個名, 但入到去餐廳之後就發現入面有好多壁畫, 上面畫住好多唔同既小動物, 而收據同埋杯上面亦都印有聖經金句, 店主應該係想打造一個好似伊甸園咁美好既地方, 好欣賞!餐廳入面四四方方, 都幾寬敞。中間位置主要係大長枱, 2人枱同4人枱就放係靠牆既位置。而呢度所有menu都係有個膠罩係出面既, 落單前只需係食物名稱隔離, 用marker (店員會提供) 將你想要既數量填上去, 然而行去門口既收銀處俾錢落單, 跟住坐係位等上菜就得架啦。台式肉燥飯拼鹽酥雞排配屏東櫻花蝦燙青菜、鹽酥花枝丸(兩粒) ($72)上菜時, 店員會用一個大盆裝住3碟送, 包括前菜, 飯同埋菜。先講前菜, 有三樣野: 青瓜粒, 芽菜, 同埋半隻魯蛋。青瓜好爽脆, 另外因為佢事先醃製過, 所以帶點微酸。但美中不足既係份量比較少, 得果3粒。芽菜既份量就多番D, 豆有咬口, 唔會煮到淋哂。至於隻蛋, 我就覺得麻麻地, 因為我唔中意食咁熟既蛋, 令
蜂蜜綠茶 (半糖少冰)
28 views
1 likes
0 comments
餐廳入面四四方方, 都幾寬敞。中間位置主要係大長枱, 2人枱同4人枱就放係靠牆既位置。而呢度所有menu都係有個膠罩係出面既, 落單前只需係食物名稱隔離, 用marker (店員會提供) 將你想要既數量填上去, 然而行去門口既收銀處俾錢落單, 跟住坐係位等上菜就得架啦。
台式肉燥飯拼鹽酥雞排配屏東櫻花蝦燙青菜、鹽酥花枝丸(兩粒) ($72)
台式肉燥飯拼鹽酥雞排配屏東櫻花蝦燙青菜、鹽酥花枝丸(兩粒)
$72
27 views
0 likes
0 comments
上菜時, 店員會用一個大盆裝住3碟送, 包括前菜, 飯同埋菜。先講前菜, 有三樣野: 青瓜粒, 芽菜, 同埋半隻魯蛋。青瓜好爽脆, 另外因為佢事先醃製過, 所以帶點微酸。但美中不足既係份量比較少, 得果3粒。芽菜既份量就多番D, 豆有咬口, 唔會煮到淋哂。至於隻蛋, 我就覺得麻麻地, 因為我唔中意食咁熟既蛋, 令到蛋黃變到好鞋, 影響口感。
講番主菜, 鹽酥雞排好大塊好厚身, 鹽酥味做得唔錯, 不過我嫌佢雞排比較乾身, 無乜肉汁, 導致有皮肉分離既情況, 而且咬落去仲有少少硬添… 肉燥方面, 味道唔錯既, 幾香。只不過肉燥同飯既比較有少少唔平均, 太多飯唔夠肉燥。加上雞排都係無咩汁, 所以食到最後有少少乾, 好彩有包野飲, 如果唔係就要另外再買野飲。花枝丸方面, 大小同魚蛋差唔多, 咬落去都幾彈牙, 好好味。不過得兩粒真係唔夠喉…
最後講埋個櫻花蝦燙青菜, 成個主菜咁dry, 有碟菜食下中和番少少。老實講, 櫻花蝦味道係有既, 不過唔算好香。當我將菜同櫻花蝦撈均之後就更加淡味。不過成個餐有碟菜係幾好既。
鹽酥雞中翼2隻 ($10)
鹽酥雞中翼2隻
$10
14 views
0 likes
0 comments
鹽酥雞中翼2隻
$10
23 views
0 likes
0 comments
雞翼比我想像中細隻, 睇落好似無乜肉咁, 單睇外表有少少扣分。不過咬落去就發現佢既表皮炸得好酥, 整體咸味適中。最驚喜既係入面既肉好多汁, 好嫩滑。主菜入面既雞都係佢咁Juicy。
蜂蜜綠茶 (半糖少冰)
蜂蜜綠茶 (半糖少冰)
20 views
0 likes
0 comments
呢杯就係我岩岩講果杯印有聖經金句既飲品啦, 除左金句, 仲有個杯本身既設計都好靚, 好有冬日既氣氛。飲品好大杯, 因為跟餐, 所以免費加大左。呢杯飲品味道正常, 不過講真蜂蜜綠茶又真係點沖都係咁既味, 永遠唔會出錯。如果你唔係飲得太甜, 叫半糖或者少糖就應該岩岩好!
Post
