Towada Sushi

因為疫情關係，餐廳入面都無咩人，只有零零丁丁幾檯客。不過咁樣仲好，靜靜地同朋友傾計。呢度的裝飾我幾鍾意，日式風格。

有綠茶粉，可以自己調教濃淡茶味，不過有埋匙羹會更貼心。

點餐方面，係自己掃描QR Code

雜錦魚生丼 $108
有吞拿魚，三文魚，蟹子，貝肉，蛋，青瓜等等，撥開先知道飯入面已經落左醬油，調好味，重口味的話，可以自己再添醬油。份量都實惠，魚生係新鮮的。

雜錦魚生丼

$108

三文魚親子丼 $118

三文魚係厚切的，新鮮又肥美，肥而不膩。份量都係實惠的。呢個係朋友食的，我試左幾塊，下次會直接食呢個丼。

火焰壽司拼盤$108
呢個拼盤都ok，不過不算實惠，但係味道是可以的。

海膽蒸蛋$38
海膽蒸熟左，顏色就比較黯淡，但是味道還能保持新鮮，甜美。蒸蛋就是普通的蒸蛋。

總的來說，丼飯的性價比幾好，是新鮮，肥美的。店員態度，同餐廳環境都唔錯。下次聚會都會考慮再黎。