la terrazza Caffe (Closed)

呢間環境特別正，有別一般的西餐廳，距有大大露天座位，環境好靚，裡面設計都好特別，白色為主，主餐系美國安格斯牛扒9oz配時蔬加燒汁，我order左7成熟，肉質岩岩好見紅，牛扒好嫩滑，好有牛味道，配淡淡嘅燒汁，帶出牛肉嘅鮮味，好正，無牛筋！超正煎南海大蝦配帶子黑松露忌廉汁配意大利寛條面，未試過甘正嘅寛條面，好濃嘅蛋味，有嚼頭，配黑松露忌廉汁，正到暈。大蝦好彈牙，好新鮮，帶子一D雪都無，兩面煎到金香，好掂最後，系態度喇，我地一到羅位，距就話無位，問要等幾耐，距話無得等，而且有幾個需要2位的朋友同我地一樣，被趕走，我喜歡環境，就企在度等，跟住再問就話1個半鐘後，但係幾分後距話有台，但係只可以食一個小時要交台，我地在張檯由落單到上菜都勁快。未食完已經完收碟，但係周圍好多空位，被人趕嘅感覺真系五好受，而且態度好差，真係好可惜，環境，食物質素，味道都好好，可惜有個趕客嘅經理，