29
3
3
Level2
9
0
2017-10-20 2080 views
我哋約咗成班中學朋友出嚟飯聚,難得今次唔帶BB仔囡出黎,可以食返啲「大人嘢」食過十幾間私房菜,有平有貴,今次就揀中高價位試試!揀呢間原因係之前有同事食過個lunch set,覺得幾好就推介俾我。反正大家未諗到食咩好,就去試下佢地個$588餐。難得個個靚媽都肯拋夫棄子一晚,一晚半晚食豪少少,當係慰勞下自己平時做嘢咁辛苦~要特別講下個menu,雖然設計就簡單左少少,但仔細睇每道菜都起左個好靚既名,同間餐廳裝修一樣好有懷舊氣息首先黎左前菜,宮保鵝肝配醬香明蝦。鵝肝配微辣既宮保醬同酸甜既水蜜桃,真係好創新,入口有好多層次既味道。醬香明蝦肉質爽嫩,入口香口之餘亦都保存到蝦既鮮味。第二道菜,酸辣帶子素翅羹。第一啖已經食到好多粒帶子,十分足料!酸辣既比例剛剛好。飲完湯之後侍應妹妹比左杯青檸味雪皅,用黎清返個味蕾,貼心既安排。主菜到!黑松露龍蝦配蟹籽沙律。超大份 肉質同樣鮮嫩,不過個黑松露泡沫感覺太輕,唔夠味。沙律頭一啖係好fresh,但落得太多dressing,但食多兩啖就有少少膩。尾二既菜,食返清少少,豆漿胡蘆瓜。第一次食呢個配搭,好有創意。不過個汁太稀,如果可以好似茨汁咁就better。而且⋯仲
Read full review
我哋約咗成班中學朋友出嚟飯聚,難得今次唔帶BB仔囡出黎,可以食返啲「大人嘢」


食過十幾間私房菜,有平有貴,今次就揀中高價位試試!揀呢間原因係之前有同事食過個lunch set,覺得幾好就推介俾我。反正大家未諗到食咩好,就去試下佢地個$588餐。難得個個靚媽都肯拋夫棄子一晚,一晚半晚食豪少少,當係慰勞下自己平時做嘢咁辛苦~
584 views
0 likes
0 comments

要特別講下個menu,雖然設計就簡單左少少,但仔細睇每道菜都起左個好靚既名,同間餐廳裝修一樣好有懷舊氣息

宮保鵝肝配醬香明蝦
63 views
0 likes
0 comments

首先黎左前菜,宮保鵝肝配醬香明蝦。鵝肝配微辣既宮保醬同酸甜既水蜜桃,真係好創新,入口有好多層次既味道。醬香明蝦肉質爽嫩,入口香口之餘亦都保存到蝦既鮮味。
酸辣帶子素翅羹
39 views
0 likes
0 comments

第二道菜,酸辣帶子素翅羹。第一啖已經食到好多粒帶子,十分足料!酸辣既比例剛剛好。飲完湯之後侍應妹妹比左杯青檸味雪皅,用黎清返個味蕾,貼心既安排。
黑松露龍蝦配蟹籽沙律
45 views
0 likes
0 comments

主菜到!黑松露龍蝦配蟹籽沙律。超大份
 肉質同樣鮮嫩,不過個黑松露泡沫感覺太輕,唔夠味。沙律頭一啖係好fresh,但落得太多dressing,但食多兩啖就有少少膩。
豆漿胡蘆瓜
55 views
0 likes
0 comments
尾二既菜,食返清少少,豆漿胡蘆瓜。第一次食呢個配搭,好有創意。不過個汁太稀,如果可以好似茨汁咁就better。而且⋯仲有少少炭燒味(煮燶左!?)
蟹粉炒飯
33 views
0 likes
0 comments

最尾一道菜,蟹粉炒飯。其實食完主菜個陣已經有少少飽,最尾仲要黎多個飯,對女士黎講可能真係太飽⋯ 不過飯炒得粒粒分明,配料多又有鑊氣,仲淋上好多超野味既蟹粉 


最尾甜品係熱情果panna cotta,不過唔記得影相⋯ 熱情果醬好香甜,上面仲有少少椰絲,係好味既~但個人覺得個配搭少少怪,雖然係fusion菜,但前面都係中式野食偏多,如果可以配中式糖水/甜品就更加perfect。

整個晚餐環境好正,侍應們唔會成日走嚟煩住晒,地方又闊落。成個套餐性價比真係好高,六百樓下(唔記得提,呢間野竟然唔洗收加一服務費!中高價食肆黎講真係罕見)可以食到鵝肝、大蝦、蟹粉⋯ 好適合大日子聚會
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Recommended Dishes
  • 黑松露龍蝦配蟹籽沙律