楓子珈琲

Open Now

Now Closed

太子又開了一間新咖啡店，位於楓樹街，用貓既圖案研成楓葉造店舖標誌，取名楓子珈啡，淨係店名同標誌都很有意思，好想入去探索更多店舖走日系復古風，無論餐枱餐櫈、擺設都非常復古，最搶眼既莫過於咖啡機背後排列得整整齊齊既Fire King 杯，店主仲會用收藏既Fire King杯serve卑客人，真係好有品味呀Caffe Latte隻Fire King杯真係好靚，但個拉花線條好幼，成個圖案唔夠實，唔知係咪有d失手呢Dirty 飲落味道好燶，唔係好飲到咖啡香，因為陣燶味好強烈，基本上連奶香味都遮蓋了Yuzu Coffee Mojito Soda第一啖飲落係飲到香料既味道，好似咖哩味咁，搞勻飲後開始飲到d咖啡同柚子味，相信楓子用既咖啡豆係有陣強烈既燶味，成杯都比個燶味搶晒虎蝦蕃茄蘑菇意粉意粉唔夠熱，個茄醬就好似係平時超市樽裝香草番茄醬既味道，蝦亦都唔夠香楓糖芥末薯粒雞塊意粉意粉都係唔熱，芥末味道就好似超市買到韓式吱吱裝既蜜糖芥末味，最好味係個薯粒，炸得夠香脆食物同咖啡我都係失望既，咖啡不是我喜歡既味道，食物味道亦都唔突出，唯一欣賞既係呢度既環境同裝修