Video
Read full review
2020-06-27
37 views
真係好耐冇去過一間咁有主題嘅餐廳呀，成日都淨係掛住食呢間餐廳真係畀到我一個好獨特嘅感覺呀，入嚟就見到好多波衫掛喺牆上面，地下亦都鋪咗一啲草皮， 講真我唔係識足球嘅人，但係都感受到店主對足球嘅熱情❤️❤️當然，淨係得裝修係冇用嘅，最令我驚喜既係食物嘅質素係如此之高 首先坐低冇耐職員就已經攞咗兩塊蒜蓉包出嚟，呢兩塊蒜蓉包熱、鬆軟、香口千祈唔好睇小呢三個形容詞，我食過嘅蒜蓉包，99%都冇呢個咁好食😋😋之後，就嚟咗個沙律🥗🥗個沙律係用個罐裝，呢個咁嘅裝法，我除咗喺國泰頭等貴賓室見過之外，就只有呢到係咁樣裝，沙律水份能夠保持食落新鮮啲，亦都感覺高級同精緻啲 跟住到個湯啦，就係今晚唯一要挑剔嘅地方，青蘿蔔湯有苦澀味同有渣 。。到主菜啦 我哋兩個人分別叫咗個香烤海鱸魚同埋美國肉眼+法國鵝肝 首先講咗海鱸魚先 🥰🥰🥰呢條魚出到嚟好熱、皮脆、好香、肉質鮮嫩， 未切已流緊肉汁 覺得廚師好用心機做， 油同鹽份都控制得好好，唔會食落覺得鹽或者油，極推薦！ 另外呢個牛扒本身就多筋咗啲， 切得比較辛苦，味道算唔錯過 反而上面個鵝肝呢就煎得好好😋😋熱得嚟又唔會過熟，時間控制得啱啱好。之後就叫咗個甜品啦！呢個三重朱古力
呢間餐廳真係畀到我一個好獨特嘅感覺呀，入嚟就見到好多波衫掛喺牆上面，地下亦都鋪咗一啲草皮， 講真我唔係識足球嘅人，但係都感受到店主對足球嘅熱情❤️❤️
當然，淨係得裝修係冇用嘅，最令我驚喜既係食物嘅質素係如此之高
首先坐低冇耐
職員就已經攞咗兩塊蒜蓉包出嚟，呢兩塊蒜蓉包熱、鬆軟、香口千祈唔好睇小呢三個形容詞，我食過嘅蒜蓉包，99%都冇呢個咁好食😋😋
之後，就嚟咗個沙律🥗🥗
個沙律係用個罐裝，呢個咁嘅裝法，我除咗喺國泰頭等貴賓室見過之外，就只有呢到係咁樣裝，沙律水份能夠保持食落新鮮啲，亦都感覺高級同精緻啲
跟住到個湯啦，就係今晚唯一要挑剔嘅地方，青蘿蔔湯有苦澀味同有渣 。。
到主菜啦
我哋兩個人分別叫咗個香烤海鱸魚同埋美國肉眼+法國鵝肝
首先講咗海鱸魚先 🥰🥰🥰
呢條魚出到嚟好熱、皮脆、好香、肉質鮮嫩， 未切已流緊肉汁 覺得廚師好用心機做， 油同鹽份都控制得好好，唔會食落覺得鹽或者油，極推薦！
另外呢個牛扒本身就多筋咗啲， 切得比較辛苦，味道算唔錯過
反而上面個鵝肝呢就煎得好好😋😋熱得嚟又唔會過熟，時間控制得啱啱好。
之後就叫咗個甜品啦！
呢個三重朱古力心太軟甜品真係冇得頂
仲好食過好多酒店心太軟，唔會淨係得甜味，朱古力味 勁勁勁濃厚，連唔食甜品嘅朋友，都想舐埋隻碟😆
最後就係養生嘅紅棗茶同埋熱蜜糖柚子茶，作為呢一餐嘅句號，真係好滿足。
Post
