Lockeroom Dining (朗晴坊) (Closed)

這間阿仙奴餐廳充斥住阿仙奴的各樣物品，牆身嘅圖案相片、飾櫃內嘅紀念品、閃卡，就好似置身了球迷俱樂部，仙迷一定雀躍。晚市有不同套餐選擇，價錢就百幾二百幾不等，每個餐包咗沙律、蒜蓉包、餐湯，沙律份量唔多，有酸醋令胃口大增，個人欣賞個餐湯，個湯唔會得水而係有質感嘅南瓜蓉喺入面，味道清甜唔錯。《香草燒原隻法國春雞》雖說是春雞，但size一啲唔細，一整隻食會飽，不過燒雞的肉嫩口又夠 juicy，不知不覺就食晒，冇油膩感絕對good。《巴馬風乾火腿黑松露忌廉雜菌意大利天使麵》淨係睇個名咁長都知道無械可擊，本身忌廉汁已經為天使帶來基本嘅分數，黑松露唔係主角但又好恰如其分地提升了整個餸菜嘅味道出嚟，黑松露應記一功，Parma Ham沒有什麼可以挑剔，好吃就是了。每支球隊總有起有跌，沒有永遠嘅皇者亦沒有永遠嘅失敗者，曼聯、車路士、利物蒲、阿仙奴、曼城、熱刺亦如是，沒有分別，我們為每個努力嘅球隊打氣！cheers！