女人街食飯公司

Open Now

Now Closed

女人街食飯公司其實係一間打住港式大排擋、充滿舊香港風情既餐廳。裝修做得幾細緻。有得感受返大排擋感覺，但同時地方又舒服企理。佈置有特色當然都適合打卡，伙計都著返大排擋服飾，服務都好快手。今次平日早食都未算多人，黎之前最好訂檯，如果唔係都有排等，越夜越多人。食物種類選擇多連海鮮都有，仲好似酒樓咁有個海鮮corner。曼谷咸魚炒芥蘭，葉都摘走晒，炒起上黎翠綠爽口，有咸香。士多啤梨三度腩排，醬汁甜甜酸酸仲真係有士多啤梨肉，包著炸得香酥既腩排，配啤酒的話幾好。風沙九肚魚肉質新鮮軟滑，外皮炸得香酥又唔會有太多的粉漿，同平時食開既好唔同，質素高好多。薄荷葉紅酒牛尾煲，肉同紅蘿蔔都燉得軟爛入味，醬汁又好送飯，而薄荷味道清新，加埋一齊係出乎意料禁好。今次唔叫白飯要油飯，油飯同想像有少少出入，油香少但香料味重，唔好俾油飯呢個名影響其實都唔錯，份量又多。三個人每人$150 左右，4個餸2個飯，都幾抵食。