Video
Read full review
2010-09-20
11 views
又係多得openrice，程班長牛肉麵之前掀起過一陣熱潮，見識過條人龍後我當然怕怕，都係等熱潮過後先試喇。昨晚我倆早放工又有點肚餓，二話不說就前往探下阿班長。7點黎到，唔洗等位，點左兩野包括︰紅燒牛肉麵 + 雲吞及鹵肉飯。鹵肉飯唔洗5分鐘就上檯，以為佢咁快到，一定唔熱喇，呀，又唔係喎！當我將面頭的青瓜絲、炸菜粒、肉碎攪拌好，就見到有少少熱氣上升，感覺都唔錯，當然再熱d就更好。食落味道無過咸，亦唔似一般「油浸」的鹵肉咁油，肉汁尚算豐富，跟白飯一齊食確係幾夾。放有炸菜粒的鹵肉飯以我的記憶係第一次食，炸菜本身脆口可以為碗飯增加多一種口感，幾欣賞。要彈的就係隻鹵蛋，食落無香味而且好亁。紅燒牛肉麵 + 雲吞，因為怕太油所以落單的時候同侍應先生講左要「少油」，所以湯色尚算可接受，試一啖湯卻發現肉味唔太濃，我自己都覺得仲可以，不過男友就嫌淡左少少。試一舊雲吞，應該係店自己包又或者係買貨番黎，絕對唔係之前食評所講的「灣仔碼頭」，質素卻麻麻地，因為包得好實，肉質有d硬而且好大胡椒粉味。牛肉反而唔錯，炆得夠淋，麵條都幾有咬口。就食物而言，我覺得無其他食評講得咁差，可能各人口味、接受程度不盡相同，我見隔離檯
7點黎到，唔洗等位，點左兩野包括︰紅燒牛肉麵 + 雲吞及鹵肉飯。
鹵肉飯唔洗5分鐘就上檯，以為佢咁快到，一定唔熱喇，呀，又唔係喎！當我將面頭的青瓜絲、炸菜粒、肉碎攪拌好，就見到有少少熱氣上升，感覺都唔錯，當然再熱d就更好。食落味道無過咸，亦唔似一般「油浸」的鹵肉咁油，肉汁尚算豐富，跟白飯一齊食確係幾夾。放有炸菜粒的鹵肉飯以我的記憶係第一次食，炸菜本身脆口可以為碗飯增加多一種口感，幾欣賞。要彈的就係隻鹵蛋，食落無香味而且好亁。
紅燒牛肉麵 + 雲吞，因為怕太油所以落單的時候同侍應先生講左要「少油」，所以湯色尚算可接受，試一啖湯卻發現肉味唔太濃，我自己都覺得仲可以，不過男友就嫌淡左少少。
試一舊雲吞，應該係店自己包又或者係買貨番黎，絕對唔係之前食評所講的「灣仔碼頭」，質素卻麻麻地，因為包得好實，肉質有d硬而且好大胡椒粉味。牛肉反而唔錯，炆得夠淋，麵條都幾有咬口。
就食物而言，我覺得無其他食評講得咁差，可能各人口味、接受程度不盡相同，我見隔離檯有碟炸羊架好似好正，對我黎講，番食的機會應該有既。不過店內的間格好細，梳化位好窄，座得好唔舒服，而且侍應同經理身上的煙味好大，絕對影響食慾！！而且令客人對店舖的衛生環境有好大的憂慮。
整體黎講，都係個句，刻意登門造訪就不必，如果突然好想食有少少質素的台灣野，佢都會係你的選擇。
Post
