維苑餐廳 (Closed)

同老婆黎食下午茶，入到去無乜人，只見一班後生待應行行企企，但都無理我地。但見環境幾靜，於是自已搵位坐低。唔係太餓，所以只叫了個五香肉丁公仔麵，飲品要奶茶。老婆就叫左個英式紅茶，英文係pod of tea，諗住有一壺。公仔麵同奶茶一般啦，茶餐廳水準。不過個麵到左幾分鐘，都無人比叉我，叫都無人理，過無一陣，有個好似經理既人見到我無叉用，先叫個妹妺仔比餐具我。一比就比晒叉、匙、筷子。跟住老婆個茶再黎，點知係一杯喎，於是就問下個哥哥仔，餐牌英文係pod of tea，咁應該係一杯定一壼。但哥哥仔好迷惘問番我地「係咪要一壼果d呀？」我地就話餐牌咁寫喎。佢都仲好迷惘，再問番我地「係咪要一壼果d呀？」...救命呀...我地話係啦，咁就換左一壼比我地。埋單三十零蚊，但下次都係咪搞。