新永成茶檔 (東廣場) (Closed)

觀塘人有好多好野食可以揀，皆因真係好多餐廳都選址觀塘，好多商業大廈，所以客源十足，加上工業大廈舖租都平，就算我唔係觀塘人，都知呢頭好多野食，今次就去左東廣場，我就形容佢為專食野既商場，就好似一個Food Court咁。小店內外東廣場間左好多間餐廳，座位放左都係出面，行左一個圈，最後決定幫襯下呢間，佢係仿舊式茶餐廳果種路線，想試下做唔做到高質！食物選擇原來係一間玩新式菜式既茶餐廳，依家好多冰室都會食啲冇咁死板既野，呢到就有菠蘿包夾唔同餡。下午茶E餐(包熱飲) 　$32菠蘿包夾餡已經興左好耐，可能係華嫂冰室帶起呢股潮流，但呢到唔止夾蕃茄同蛋係菠蘿包入面，連蜜汁叉燒都放埋入去！呢啲咁邪惡既配搭緊係要試下佢！呢個餐有幾款特色菠蘿包可以揀，好似厚切餐肉雞蛋菠蘿包、芝士火腿菠蘿包等等，咁我就緊係試最誘人既蜜汁叉燒煎蛋菠蘿包，等左唔係好耐就有，包身唔算好脆，但估唔到都有塗牛油同烘過，呢點有加分，以為小店實會hea做，又唔係wor~~而入面配上蜜汁叉燒同蕃茄，入口偏甜，中意食甜既朋友就一定岩，太陽蛋煎得老左少少同偏乾，但係夠濃邊，個配搭我覺得都ok，而味道就正正常常，菠蘿要做得再脆啲。熱飲----熱鴛