黑木亭居酒屋 (金馬倫道)

今日係我嘅正日生日 ，老公好用心搵咗一間環境超靚嘅日本居酒屋幫我慶生，餐廳入口要行一條樓梯上一樓，樓梯到處是打卡位。入到餐廳入面猶如置身於日本一樣，佈置得好靚，又有櫻花又有紅葉，成件事好有氣氛。濃煮鮑魚豚角$128 隻鮑魚炆到勁入味，好淋，味道好似壽喜燒甜甜地，從未食過一隻如此淋嘅鮑魚 豚角原來是一嚿大豬肉，用日式食材紮到成個禮物咁，先用較剪剪開條繩，再剪開舊巨型豬肉，估唔到咁大舊肉都可以咁入味！豚肉肥瘦適中，脂肪部位入口即化，吃過以後絕對有滿滿的飽腹感。A5宮崎和牛他他配洋蔥及特製酸汁$199 有驚喜 超級好食 以為係牛肉蛋飯，其實係洋蔥蛋他他！ 白色嗰啲唔係飯係生洋蔥嚟㗎， 蛋液與特製酸汁配上生洋蔥與和牛一起吃，好味程度達至巔峰狀態！牛他他口感軟熟，生洋蔥可以解除油膩感覺，是絕佳的配搭。日本啤酒拉麵$98 份量十足+玩味十足。 用酒杯裝住拉麵，究竟邊個諗架，實在太可愛了。 賣相同巨型啤酒似到十足十，連啤酒上面嘅泡泡都做到似模似樣，其實係冷麵汁，麵條好爽 好彈牙，雖然份量好多，但係唔覺唔覺會食曬， 成件事好清新。海產細味六杯(蠔)$199 呢個造型同設計令我諗起細個去酒吧飲酒嘅回憶，