燒蝦蝦 (興泰大廈) (Closed)

雖然餐廳主打係流水蝦同埋海鮮，但都有其他種類嘅嘢食任拎😍 我哋成家食肉獸拎得最多嘅梗係肉類啦！佢哋有雞軟骨、雞全翼、五花腩、牛仔骨、豬仔髀等等（多到不能盡錄🤣）我哋拎嘅扒全部都逼晒啲肉汁出嚟，加上岩鹽、孜然粉等調味，味蕾滿足到不得了～當然都要歸功老豆嘅BBQ技術😎🙌🏻豬仔髀好厚肉，唔韌，口感鬆化👍🏼 另外仲拎咗墨魚丸、芝士丸，仲有好多想食但試唔晒😂建議大家用錫紙兜燒螺，燒嘅時候方便打理同埋均勻受熱啲，大家仲可以用個錫紙兜整清酒煮蜆、蒜蓉牛油扇貝、金菇、娃娃菜等等，自行發揮創意🙆🏻‍♀️總括而言，呢間餐廳全部食材唔腥臭，夠新鮮，種類琳琅滿目，非常適合一家大細嚟玩，又或者一大班朋友聚會呀～