｜酸辣涼拌海蜇煙三文魚(辣)
非常適合做第一道菜 味道酸酸辣辣 好醒胃🙂↕️ 一定要記得唧埋青檸 提升成個前菜嘅層次感✨海蜇食落好爽脆 份量超多！煙三文魚嘅煙燻味都好濃 而且偏厚身～ 再配埋啲沙律同洋蔥 非常清爽😆
｜慢煮香茅豬頸肉
豬頸肉肉質嫩滑得嚟又彈牙 外層焦香帶炭燒味 唔會太乾身😍 食得辣嘅朋友記得要點埋醬食 酸辣汁同豬頸肉好夾💓
｜香煎鵝肝蝦頭油炒飯
炒飯粒粒分明 除咗用蛋炒之外 仲有啲雜菇 洋蔥 蘿蔔絲等等 一啲都唔馬虎‼️食落有淡淡嘅蝦頭油香氣 好似冬陰功味咁 超正🤤 鵝肝油脂豐富 入口即溶 配埋炒飯一齊食就可以中和返油膩感🍚
｜蜜味酸辣美國豬肋骨配薯條
豬肋骨經過24小時慢煮 食落確實好入味 肉質亦都非常嫩滑同juicy🥹 用刀叉已經可以輕易將啲骨拆出嚟😌 薯條炸到外脆內軟🍟 份量都比較大 適合3-4人share👭🏻
｜流心提拉米蘇巴斯克芝士蛋糕
食第一啖蛋糕嘅時候有焦糖燉蛋嘅香氣 口感超順滑🍰 食到尾段嘅時候又變返結實少少嘅芝士蛋糕 一樣綿密🥹 提拉米蘇都誠意十足 除咗有浸淋咗嘅咖啡味手指餅之外 面頭都有大量忌廉同可可粉😳 食落一次過滿足到兩款甜品嘅願望❤️
｜飲品
蝶豆花青檸梳打：正常青檸梳打味 酸酸地 幾清爽 蝶豆花味唔算太重🫣
芒果椰奶沙冰：有種飲緊芒果椰汁西米露嘅感覺🤣 不過芒果味稍為淡咗啲🥭 整體飲落都唔太甜～
注意用餐時間只限90分鐘⚠️
1
