大瀛喜日本料理 (Closed)

🤍大瀛喜日本料理🖤旺角九龍旺角彌敦道655號5樓📍約咗朋友收工之後喺旺角食飯，大家都諗唔到食咩😂一出地鐵站就見到有人派關於呢間放題嘅傳單，所以就決定今晚食日式放題！出面自助區有好多飲品、甜品同前菜，包括有凍海鮮、湯、沙律、炸物等等，最特別係有花膠蟲草花燉雞湯，飲品嘅選擇都幾多，仲供應暖嘅包裝飲品，啱晒而家嘅天氣！刺身款式都幾多，有三文魚、油甘魚、甜蝦、赤蝦希靈魚、帶子、赤貝、虎蝦、呑拿魚等等☺️完全唔腥！我哋全部刺身都叫咗各有4件，完全無俾漏！壽司方面，我哋都叫咗幾款壽司試一試，包括火炙三文魚腩、花之戀、左口魚邊同鵝肝壽司，仲有海膽手卷🍣我哋再有encore花之戀同鵝肝壽司！吉品鮑汁扣花膠係每次放題必叫，花膠都幾大塊，而且炆得幾入味同夠淋！紐西蘭香草羊鞍夠大件，肉質嫩滑又唔騷，一人一件就啱啱好啦🤪我哋仲有叫燒牛舌、蒲燒鰻魚同西京燒比目魚🐟特別想講係西京燒比目魚，油脂超豐富，又夠香😋配沙律醬真係超好食！見佢甜品嘅選擇都有唔少，不過因為好飽，我哋只係試咗佢嘅芒果味雪糕🍦口感好似雪芭咁😋諗起都有一段時間冇食過日式放題😝今日食完都覺得好滿足，朋友都覺得好滿意！