市集在大圍站A 出口一出望右手邊就見到。有2層，就好似food court 咁，中間係坐位，旁邊全部係檔口。最多人排隊既就係台灣夜市的ET 鹽水雞。而熟悉小編既人就知道小編係好怕排長龍，所以我係冇試到既！ 首先，小編就介紹下新開的王牌冰茶 ！
小編心儀想試既飲品係焦脆奶蓋東美人， 但店員一告知已經一早賣哂，頓時晴天霹靂，有選擇困難症的小編唯有望多次個Menu, 見到有桂花珍珠 , 雙眼發光了，就亂點咗
桂花珍珠東美人 $27
可能桂花珍珠所剩冇幾，杯中的珍珠少得可憐！只見杯底有珍珠。 珍珠係超細粒，但桂花味出奇地出同香！聽店員講東美人係紅茶，茶味雖冇comebuytea 的茶咁濃郁，但也幾清香！
小貼士： 如果大家想試到桂花珍珠的味，我建議配綠茶如觀音王可能會更好！我今次叫半糖走冰剛剛好，可以試真茶味同桂花珍珠味！
小編下次一定要飲到焦脆奶蓋架！
下編再講下市集抵食之選！
