Cinnabon (奧海城2期) (Closed)

最近到奧運做運動，每日都見到長長嘅人龍，好奇之下就去望下，原來人氣玉桂卷就係長左係奧海城！夜晚7點左右，見人龍唔太長就排一排，等左接近30分鐘，終於到我喇！可能新店開張，太多人每人只限買兩個玉桂卷，其實我都明白，佢哋焗一盤只有15個，如果任買，我諗要排好耐！香港賣3種口味，我試左classic和朱古力味，一個玉桂卷賣接近40蚊，實在有啲貴。試左一口classic，果然名不虛傳，好香的玉桂味，唔太甜，食落仲係暖，食一個都夠飽！再試埋朱古力味，我覺得朱古力醬太甜，蓋哂麵包香味，個人不太喜歡下次得閒要再試埋第三種口味！