牛牛日式火鍋放題 (海之戀商場) (Closed)

今個星期日中午健身完之後，突然間好想食肉⋯致電附近幾間燒肉放題都冇位，諗住落樓下牛涮鍋碰碰運氣。估唔到平日一向人山人海的牛涮鍋，原來一點過後冇乜人。完全唔駛等位點左一個最便宜的牛肉餐（$130），60分鐘任點任食。壽喜燒湯底，鍾意佢甜甜地，淥菜一流！除咗牛肉，女士食火鍋都係鍾意食多啲菜！唐生菜，白蘿蔔吸收左湯底好甜好好味！午市放題都仍然有好多丸類選擇，我唔鍾意食丸所以好難比評價。這裏菇類豆腐出奇的多樣化，唔使淨係食肉蟲草原來同湯底幾夾！雖然係任食，但係一樣咁足料。牛肉都算幾大片，色澤紅潤夠新鮮，性價比唔錯！最緊要係上菜快手，用手機程式點菜，過程唔使1分鐘！60分鐘內食足四盤牛肉！都算回到本近年都興起冷泡茶，冇糖更健康又解渴，又唔會因為飲汽水飲到胃脹，影響胃口。不過這裏的冷泡茶就淡咗啲，冇乜茶味。而且剩係得一個味，略嫌孤寡。如果不是追求和牛級數，午市一人前火鍋性價比很高。不過就不太建議「大夥人聚會」，這裏時間管理很嚴格。一夠鐘就要即刻走。就算話唔出去攞嘢食，坐低飲埋杯茶都唔得。