二泰妹泰國菜館 (Closed)

真係好耐無食過泰國野啦，因為之前病左兩個星期，唔敢食辣野，今日襯老公唔返黎食飯，個女又去左爺爺度，我就一支公周圍遊。去左屋企附近既泰國餐廳，餐廳裝修都好有泰國特色，侍應都似喎！叫左泰式海南雞飯，$62，相對其他餐廳，都有少少貴，雞肉好滑，骨不太多，雞皮都唔多，雞飯方面，唔知係咪泰式呢，同新加坡既差好遠，新加坡𠴱d比較油，但呢個唔係油，係香，有飯香味！寡寡地想食d菜我就叫左碟菜自己享用，我叫左個馬拉盞炒通菜，通菜唔係好多油，幾好味，馬拉盞唔辣，好有泰國嘅風味！菜上面有幾多花生碎，都幾有咬口，如果想食辣，仲配有2隻辣椒仔tim！想去食既要留意，逢星期一都唔開架！