JC Room (Closed)

朋友相約下午茶，去旺角食嘢，點知畀人放飛機。咁就自己去咗行街加食飯 。 今次主要喺旺角都係行啲時裝店， 買咗少少嘢咁，見肚餓就去食嘢 。今次間餐廳位於廣華醫院附近，人流唔算多。煙三文魚田園沙律， 煙三文魚味道唔錯，至於重點，一定係沙律菜，沙律菜洗得夠乾淨，最重要係新鮮， 如果大胃口嘅人士，諗住食過前菜就算，咁就大件事，因為份量唔算多。主菜厚切有骨豬扒炒薯， 重點豬扒夠曬厚， 說起來肉質鮮嫩。 冰鮮豬扒，但冇曬雪藏味，都做得幾好。士多啤梨沙冰， 好普通， 最可憐就係，仲要加錢， 早知飲返啲茶餐廳飲品就算。有機會都會再食，因為價錢唔算貴，同埋坐得咁舒服。