叄嵐日本燒鳥串燒居酒屋 (Closed)

上北海中心攞完集運，行落樓下睇下有咩醫完肚再去銅鑼灣行，見到後巷有間日式野諗住入去試下佢。望一望餐牌見到串燒款式都算幾多，可惜今次單機食飯，下次同朋友仔再一齊試下酒同串燒，最後嗌左最安全嘅縵魚飯試一試先。幾得意嘅係竟然日本餐廳入面有cafe嘅野飲，所以嗌左杯熱朱古力飲就最冇死，心諗點伏都有個譜。野食一到，個賣相真係好吸引，飯冇估錯應該係珍珠米黎！縵魚份量都唔少，入口一啲都唔乾，好juicy！後期高枱有位搬左過去諗住影下貓貓，可惜一坐埋去就俾我嚇走左T^T之後杯朱古力都黎埋，個下真心有驚喜！初頭以為係一杯用水溶個啲朱古力粉，點知係真•cafe入面個啲有拉花嘅朱古力！估唔到店員妹妹望落一啲都唔似咖啡師，點知原來有啲料到！杯朱古力都好濃，好creamy！總括今次真係幾抵食，好有驚喜！會再黎試下啲串燒同酒！