Trois Cafe (Closed)

我自己好鍾意食fusion菜，而灣仔呢一間亦都係我最鍾意fusion菜餐廳嘅top 5，先喺環境已經比人一種好舒適休閒嘅感覺，就連食物質素亦都好高，就連賣相都好花心思！介紹一下今次點嘅吉列豬扒，分量足足有成隻手掌咁大份，用咗麵包、生菜、豬扒及醬汁製作而成，最估唔到嘅係呢一個組合出奇地好食，生菜解咗豬扒嘅油膩感，照燒汁令豬扒食落更香，而脆卜卜嘅麵包增加整個口感！就連炸番薯薯條都炸得好酥脆！除此之外我仲叫多咗個生煎小籠包，食物構思方面好獨特，用咗忌廉蘑菇湯做底，再用滿滿嘅蘑菇承載住四舊小籠包，小籠包肉汁滿滿好Juicy，肉味香口，周年忌廉蘑菇湯都好濃郁！一定要試！