店內環境都算grand，喺利舞臺都算系咁。
點心、小炒、主菜應有盡有，地點喺得銅鑼灣，食中菜又吾算好貴。
餐廳最出名嘅系皇朝小籠包，即系8種味道而成嘅小籠包，好貼心咁有紙仔講解食嘅先後次序。
李白醉雞，吾知點解會叫李白醉雞🤣見到好多人推介就試試。開頭都驚醉雞會吾會好重酒味，好彩結果吾系好重酒味，小小哋又試到紹酒味。雞肉非常有驚喜！舊舊都好嫩滑😋
蘿蔔絲酥餅系好傳統嘅一款點心，本身對酥餅類都幾有興趣。酥餅層好鬆脆，一路食會一路跌啲酥餅碎出黎😝叫得酥餅但毫不油膩。裡面蘿蔔絲一絲絲好分明，味道清甜。
跟住終於試餐廳招牌菜——皇朝小籠包，即系8種味道嘅小籠包，分別系原味、糟溜絲瓜、鵝肝、黑松露、芝士、蟹粉、蒜香、川味，而且外層真系8種吾同顏色😆好色彩繽紛。肉汁豐富，皮薄餡靚。個人比較印象深刻系黑松露、蟹粉、蒜香味，食材高級之餘味道明顯，吾系得個樣。
蟹粉豆腐，由咁多蟹粉製成嘅菜式真系好吸引😍🧡大量蟹粉佈滿豆腐周圍，但蟹粉味吾算非常濃，有啲辣？豆腐滑溜溜好味道。
京醬肉絲配薄餅，原來京醬即系北京埴鴨戈隻甜甜哋嘅醬汁，不過系埴鴨變咗肉絲，肉絲又冇乜肥肉，薄餅都系平時包埴鴨嘅外皮一樣，清淡中又可以食到戈份甜味。
食咗咁多野都好飽喇🤪系時候食飯後甜品，檸檬蘆薈桂花蜜，一聽個名就知好清新，檸檬味吾算明顯，蘆薈反而好足料，同桂花互相輝映。
宮廷驢打滾都好多人推介，個名又幾得意😂其實即系糯米同紅豆蓉製成🫘表面就系黃豆粉，以為會好甜，甜度恰到好處，糯米部分煙煙韌韌。
