哈比比 (Closed)

去到土瓜灣，唔知食乜好，結果跟老友推介食比較罕見既巴基斯坦人所開既餐廳。店員全是巴基斯坦人，落單待應略懂廣東話，由唔同膚色既人聽到廣東話係比較難得既體驗。羊肉飯：驟眼睇個份量好似好細，但食完好飽，因為大量羊肉配搭沙律，酸甜得黎好開胃，而且羊肉經過特別烹調，香而不膩。配菜上，有新鮮既疏菜同番茄，配上鹽及黑糊椒，中和返羊肉帶黎既油份！雜錦Pizza：內裡有雞肉、羊肉、三色椒，餅身薄得黎好脆，完全唔似食麵團既感覺。