Video
Read full review
2022-10-05
357 views
元朗周圍都有好多好野食，今日突然間好想食無食雞煲，來到世宙附近嘅呢間「漁師兄」，餐廳出名食烤魚/米線/雞煲/串燒，今日雞煲癮一發不可收拾，我哋就決定要食雞，下次先食烤魚。 一入餐廳，餐廳牆上設計有好令魚的裝飾，更加有一個魚網非常別緻，可見店主在設計上花了不少心思。座位有卡位也有方桌，枱與枱之間距離甚遠，適合朋友/家庭相聚。 //椒鹽雞軟骨 $38//未食主菜之前，叫兩碟小食食下先。這個椒鹽雞軟骨份量都不少，炸得香脆爽口，加上紅椒粒、青椒粒、洋蔥粒、椒鹽去炒十分足料，香味十足，食唔停口。 //蒜泥白肉 $38//蒜蓉控的我大愛！超多蒜蓉，加上香噴噴嘅麻油，白肉爽口彈牙配上清爽嘅青瓜片，加點蔥花，多重口感令胃口大增，正！ //香辣雞煲 全隻 (小辣) $198//重點來了！店員放上雞煲後會不時過來炒一炒雞煲，香料愈煮愈香噴噴，十分惹味。雞肉嫰滑啖啖肉，配料亦十分足料，有花椒、八角、紅椒、青椒、紫天椒、洋蔥等等，兩個人食一隻雞原來份量都幾多，我們叫了小辣就真係小小辣，愈食愈滋味，食曬全隻雞已經飽曬。不得不提，食到差不多嘅時候，店員好細心地幫我地加雞湯以防濃底，最令我估唔到嘅係加雞湯之後雞肉更
一入餐廳，餐廳牆上設計有好令魚的裝飾，更加有一個魚網非常別緻，可見店主在設計上花了不少心思。座位有卡位也有方桌，枱與枱之間距離甚遠，適合朋友/家庭相聚。
//椒鹽雞軟骨 $38//
未食主菜之前，叫兩碟小食食下先。這個椒鹽雞軟骨份量都不少，炸得香脆爽口，加上紅椒粒、青椒粒、洋蔥粒、椒鹽去炒十分足料，香味十足，食唔停口。
//蒜泥白肉 $38//
蒜蓉控的我大愛！超多蒜蓉，加上香噴噴嘅麻油，白肉爽口彈牙配上清爽嘅青瓜片，加點蔥花，多重口感令胃口大增，正！
//香辣雞煲 全隻 (小辣) $198//
重點來了！店員放上雞煲後會不時過來炒一炒雞煲，香料愈煮愈香噴噴，十分惹味。雞肉嫰滑啖啖肉，配料亦十分足料，有花椒、八角、紅椒、青椒、紫天椒、洋蔥等等，兩個人食一隻雞原來份量都幾多，我們叫了小辣就真係小小辣，愈食愈滋味，食曬全隻雞已經飽曬。
不得不提，食到差不多嘅時候，店員好細心地幫我地加雞湯以防濃底，最令我估唔到嘅係加雞湯之後雞肉更加惹味。
//荔枝紅茶 $28//
食辣野當然要飲凍飲沖沖辣味。餐廳設計了幾款特飲，我地揀左荔枝紅茶，紅茶中和了荔枝的甜味，特別鐘意粒狀的荔枝啫喱。
//鳳梨綠茶 $28//
原來菠蘿配綠茶又幾夾，飲一口口感即刻無曬辣味，可以繼續食！
Post
