I Leisure (Closed)

之前聽朋友介紹，已經好想來試。咁啱呢輪食咗好多魚生又想食下海鮮所以就嚟咗呢度訂位啦。一坐低就見到好靚嘅裝修，但係個個都戴晒手套食到舔舔脷咁。叫我都唔執輸叫咗佢呢度最出名嘅shake shake海鮮，加多個麻辣小龍蝦，驚唔夠飽叫多咗個意粉黑松露雜菌意粉。個麻辣小龍蝦一度，已經聞到陣陣麻辣味，個shake shake海鮮都好快到咗。嗱嗱聲就帶手套食嗰隻小龍蝦，本人好鍾意食麻辣，一食就愛上。佢唔會好辣一朔嗰陣唔會朔到狂咳，個頭仲要勁Juicy好味道。黎到佢哋嘅王牌菜，我哋揀咗五種海鮮，冇諗過佢連鮑魚都有得揀，先食隻鮑魚好爽口，本人都係青口控個汁辣辣地酸酸地好惹味。雖然其他海鮮唔太特別，但係勝在夠多因為用手食撈極都仲有咁，食得好爽。其實食完呢度已經好飽，已經冇乜心情食個意粉，可能唔係主打菜個意粉都一般但係個小龍蝦同埋個海鮮真心推介，有機會一定會再嚟。