Kuru Lab (Closed)

星期六去開屯門睇牙，上次睇牙時知道果度有一間韓式蛋糕店Kuru Lab, 上次試咗佢地既韓式牛角窩夫, 外表好靚之餘亦都超好味, 個牛角窩夫酥脆又充滿牛油香, 再加上面頭既生果, 超好味😋咁啱今次再去檢查既當晚，需要買蛋糕同班姊妹慶祝, 所以就決定預先訂購佢地新推出既「御‧和風Tiramisu」，一共有4款: 日式草莓🍓、熟成芒果🥭、伯爵茶無花果🫖同香印提子🍇，款款生果都好吸引, 真係選擇困難症發作, 最後終於揀咗熟成芒果, 因為應該無人唔食芒果。 成個Tiramisu 都好用心制作, packing 係用日式風呂敷包裝, 再加上用木盒黎裝, 和風感滿滿，拎上手都覺得好😍呢個和風Tiramisu 同傳統意大利既Tiramisu好唔同, 首先外表就已經無晒D 朱古力粉, 而且佢係無酒既, 味道更清新, 啱晒唔喜歡酒味既朋友, 而且口感比傳統Tiramisu更滑同奶味更香濃, 應該係因為個用料, 佢係用大阪產高乳純正濃厚忌廉，意大利既Mascarpone 芝士，同埋鹿兒島產既「薩摩赤玉」雞蛋🥚，所以味道好濃郁，配合埋熟成芒果既鮮甜，同滿滿既芒果香🥭，味道一流。而且一個Tiramisu既份量