狀元芋頭煲 $88
————————————
真係好鍾意食入口好蓉嘅芋頭🤤依個煲真係想比滿分呀🤤第一次食芋頭煲係將芋頭切成均等嘅片狀，上菜嘅時候好整齊美觀，但其實煲到好蓉，一夾就變芋蓉🤤加上五花肉嘅肉汁同油脂香氣已經融化到每一片芋頭，所以每一啖都好柔滑又入味😋
蔥香脆皮烤鴨 $128
————————————
伴碟係爆多蔥，果然夠蔥香，加上獨特嘅蒜香調味🧄令烤鴨一啲都唔單調，烤鴨皮好薄脆，加上鴨嘅油脂，非常香口。
鮮果鵝肝塔殼 $128
————————————
口感柔軟細滑嘅鵝肝，配上清甜嘅芒果粒，減低鵝肝嘅膩感，令味道層次同賣相都更加豐富，做成果撻嘅樣子好精緻可愛。
龍蝦泡飯 $88
————————————
湯底好香濃蝦味🦐加上蝦肉同菜，暖笠笠好啱冬天食，最鍾意係加埋脆米，更加香口。
紅寶石琉璃 $28
————————————
石榴汁夠晒清爽解膩，加上馬蹄爆珠，口感更加豐富。熊仔造型嘅果味冰好可愛🧸
