Cockloft (Closed)

今日同朋友黎到蘭桂芳附近，搵到呢間Cockloft 既小店。 開始係比佢個寫意既門面同有趣既門牌吸引。 入到去，又真係好雅緻，完全同出面中環既環境好唔同。 一入去就見好多好靚既植物，一部好典雅既鋼琴，仲歡迎客人去彈，仲有好多老闆自己畫既畫。 真係好有文藝氣息。一坐底店員就好nice咁介紹我地今日推介。 頭盤係蘑菇湯，新鮮自己打既蘑菇，仲有原粒蘑菇一齊，更有口感更好香濃，中間有啲似蛋清既泡泡令個湯更香滑，配埋剛出爐既法包，真係一流既配答。而佢地主打高蛋白低糖處理既主食，真係非常健康又有特色。今晚點左慢煮雞胸 Chicken breast in lemon drill bechamel 。 口感真係好好，入味又嫩滑，而佢地自製既薯溶亦唔覺油膩，沙律菜配埋食用花瓣，超新鮮。仲有紅酒燉羊腿 NZ lamb shank braised in red wine sauce，一黎到已好吸引。 點解可以咁大份，食落都好入味，意外地好好食。 估唔到咁大舊骨都可以處理得咁好。今晚真係一餐又豐富，又滿有法式風情既美好一餐。