Video
Read full review
2023-01-31
681 views
呢間燈籠滷味🏮喺香港都開咗一段時間，評價一直都好兩極，但成日喺朗豪坊經過都見到佢大排長龍，而且佢個芋泥蛋餅一直都係我bookmark咗好耐嘅野😗所以終於都忍唔住同朋友去試吓😌嗰日平日夜晚7點左右到，都要等15-20分鐘🤔我哋見個二人餐$198好似幾抵，可以試到招牌燈籠滷味、兩款台式小食同飲品，就叫咗嚟試～點知坐咗一轉直升機☺️🌟「豪豪」吃二人套餐 $198 1️⃣招牌燈籠滷味 配 冬粉 (1.75/5)上枱勁大兜😂😂😂我同朋友見到呆_咗😂心諗呢度都分到幾餐😂上面放上滿滿嘅配料，賣相唔差，好有色澤😀點知食落就….全部配料都普普通通，冇乜味，稱唔上滷味，感覺似自己喺屋企頹煮嘅麵再加啲滷水汁咁😀可能仲入味過佢😀冬粉即係粉絲，超大兜….食極都仲有，不過好乾…冇汁又冇味，食咗幾啖完全冇意欲食落去…以下逐一介紹…🥢蹄膀 原來係豬腳嘅意思🤣其實我本身冇留意佢有咩配料，見到呢幾塊野我同朋友都以為係牛展😀😂望落去係塊乾乾地嘅肉，中間有筋位，咬落去冇乜味，見我連豬同牛都分唔到就知咩事☺️🥢豬耳朵份量算多，味道正常🥢甜不辣份量都好多，食極都仲有😂幾鍾意呢個甜不辣～好煙韌😗🥢花枝丸一開二咁上，夾埋應該等2-3粒，正常
🌟「豪豪」吃二人套餐 $198
1️⃣招牌燈籠滷味 配 冬粉 (1.75/5)
上枱勁大兜😂😂😂我同朋友見到呆_咗😂心諗呢度都分到幾餐😂上面放上滿滿嘅配料，賣相唔差，好有色澤😀點知食落就….全部配料都普普通通，冇乜味，稱唔上滷味，感覺似自己喺屋企頹煮嘅麵再加啲滷水汁咁😀可能仲入味過佢😀冬粉即係粉絲，超大兜….食極都仲有，不過好乾…冇汁又冇味，食咗幾啖完全冇意欲食落去…以下逐一介紹…
🥢蹄膀
原來係豬腳嘅意思🤣其實我本身冇留意佢有咩配料，見到呢幾塊野我同朋友都以為係牛展😀😂望落去係塊乾乾地嘅肉，中間有筋位，咬落去冇乜味，見我連豬同牛都分唔到就知咩事☺️
🥢豬耳朵
份量算多，味道正常
🥢甜不辣
份量都好多，食極都仲有😂幾鍾意呢個甜不辣～好煙韌😗
🥢花枝丸
一開二咁上，夾埋應該等2-3粒，正常花枝丸味
🥢百頁豆腐
好軟糯，煙韌有咬口，有啲似棉花糖嘅texture，幾鍾意～
🥢高麗菜
滿滿纖維😀冇苦味，算係咁
2️⃣人氣蔥抓蛋餅 (奶油芋泥、肉鬆、起司) (2/5)
其實我一開始都只係為咗呢個抓蛋餅而嚟，點知食落都係好失望🥲外皮同普通蛋餅唔同，佢係用咗手抓餅嘅酥皮，所以食落幾香脆，上面淋咗啲甜甜地嘅醬汁，幾惹味😀中間見到滿滿嘅芋泥同肉鬆，但見唔到芝士嘅存在，不過望落去都仍然吸引嘅😀食落去就瀨野☺️個芋泥係我食過最_甜嘅芋泥….感覺好唔天然，得死甜，又冇芋頭味🥲肉鬆味道正常，但芋泥嘅甜完全覆蓋左肉鬆嘅鹹味😅第一次見呢個情況☺️☺️仲要真係完全冇芝士味，唔知佢擺咗喺邊😀不過食落都幾香脆，而且有蛋味嘅，但絕對唔係一個好食嘅蛋餅😀😀冇下次
3️⃣甘梅香脆地瓜條 (4/5)
呢個係成個餐最好食嘅🥹份量好多，而且新鮮炸起，熱辣辣之餘外脆內軟，地瓜香甜，加上甘梅粉鹹甜鹹甜好惹味😋
4️⃣茉香奶綠 (走甜少冰) (1/5)
好似飲緊奶水，冇味的☺️當水飲啦
5️⃣古早冬瓜茶 (1/5)
佢係我飲過最稀嘅冬瓜茶😀好難飲…
總括嚟講，呢間野係我食過數一數二難食嘅台灣菜😅$198加一雖然唔算好貴，但食嘅野完全唔值呢個價😀😀不過學我朋友講，如果呢一刻你係好肚餓好想求其搵野塞爆個胃，兜滷味抵食程度係5/5☺️食過一次唔會再回頭，更加唔明點解咁多人排隊🥹
加一服務費：✅
回頭率：❤️ (5個❤️為滿分)
📍地址：燈籠滷味 (朗豪坊) (旺角)
旺角亞皆老街8號朗豪坊4A樓10號舖
Post
