泰小子 (Closed)

聽聞泰小子係屯門好出名佢嘅小食飲品抵食又好味😆今次就去試下呢間鋪主打煎餅有各款唔同口味嘅煎餅選擇包括有去🇹🇭泰國必食嘅香蕉及榴連煎餅仲有紫薯煎餅、肉鬆煎餅等等食物質素都好好，值得一試👍🏼🔸炙燒綿花糖香蕉煎餅 $45呢款係泰小子最新推出嘅煎餅，綿花糖配朱古力醬真係最邪惡嘅配搭！綿花糖入口即溶，仲做到拉絲嘅效果🤩煎餅即叫即整熱辣辣，非常香脆。🔸大甲芋泥鮮奶麻薯$35麻薯口感Q彈煙韌，口感極好🤣本身大甲芋泥香滑軟綿，奶味濃郁，絕對係鐘意芋頭人士嘅必叫之選👍🔸泰式珍珠奶茶 $24本身以為泰式奶茶會好甜，點知飲落甜度適中。奶茶茶底香滑，入口香濃，亦好有茶香味！珍珠亦都好QQ彈牙😋