Video
Read full review
2017-09-08
62 views
女朋友生日, 經朋友介紹黎到呢間多元化餐廳食嘢. 有大量BOARD GAME, 貓貓同埋高質素嘅西餐食, 呢晚真係物超所值, 過得好開心!BOARD GAME 應有盡有, 細至啤牌- 大至大富翁, 猜猜畫畫. 如果係一班朋友都可以玩得非常盡興餐廳內有兩隻貓貓, 淨係掛住訓覺, 得閒行幾步又訓過今晚仲有特別優惠泰式燒春雞如果今晚上慶祝生日嘅話有呢個咩都有嘅拼盤 今晚我就冇叫啦但係見到人哋叫 設計得好靚而且每樣食物都非常精緻好味 第一道餸嚟啦就係呢個炸生蠔小食 ($68)生蠔非常新鮮而且亦都係啱啱炸好熱辣辣㗎，仲配有特別海鮮醬，非常惹味大家可以睇到呀開咗一半嘅生蠔啲汁滴曬落嚟食到嘅係一陣陣嘅鮮味同埋非常香脆嘅炸皮。飲品方面要特別一讚 我哋叫咗一杯蜜桃紅茶同埋青蘋果綠茶 呢度嘅嘢飲非常之真材實料 有一粒粒嘅蜜桃肉同埋青蘋果肉，而且茶方面亦都係純正嘅紅茶同埋綠茶，飲得出糖水並不多，非常好飲解渴安格斯牛扒($208)牛扒非常之大塊 但就唔係好厚。啱啱煎完即刻上碟，熱辣辣新鮮，非常入味賣相十分可觀咬落非常嫩口而且帶有肉汁脂肪同肉嘅比例非常均勻，絕對夠大塊，一定食得飽點埋介辣，絕對一流！牛扒底部亦都
BOARD GAME 應有盡有, 細至啤牌- 大至大富翁, 猜猜畫畫. 如果係一班朋友都可以玩得非常盡興
餐廳內有兩隻貓貓, 淨係掛住訓覺, 得閒行幾步又訓過
今晚仲有特別優惠泰式燒春雞
如果今晚上慶祝生日嘅話有呢個咩都有嘅拼盤 今晚我就冇叫啦但係見到人哋叫 設計得好靚而且每樣食物都非常精緻好味
第一道餸嚟啦就係呢個炸生蠔小食 ($68)
生蠔非常新鮮而且亦都係啱啱炸好熱辣辣㗎，仲配有特別海鮮醬，非常惹味
大家可以睇到呀開咗一半嘅生蠔啲汁滴曬落嚟食到嘅係一陣陣嘅鮮味同埋非常香脆嘅炸皮。
飲品方面要特別一讚 我哋叫咗一杯蜜桃紅茶同埋青蘋果綠茶
呢度嘅嘢飲非常之真材實料 有一粒粒嘅蜜桃肉同埋青蘋果肉，而且茶方面亦都係純正嘅紅茶同埋綠茶，飲得出糖水並不多，非常好飲解渴
安格斯牛扒($208)牛扒非常之大塊 但就唔係好厚。啱啱煎完即刻上碟，熱辣辣新鮮，非常入味
賣相十分可觀
咬落非常嫩口而且帶有肉汁脂肪同肉嘅比例非常均勻，絕對夠大塊，一定食得飽
點埋介辣，絕對一流！
牛扒底部亦都有炸薯角PS：呢間餐廳嘅炸嘢好似特別好味
鵝肝黑松露意大利飯 ($178)
賣相十分吸引
意大利飯嘅質感十分之正宗, 飯粒外硬內軟, 係意大利飯嘅味道而且亦都配有好濃嘅黑松露同香草味道, 絕對係啖啖精華.
鵝肝非常香口 每一下都係 濃濃嘅油份 普通用叉一切, 啲油已經必曬出黎
上面仲有一大PAT魚子醬非常非常滿足!!!
特別一影, 擺係檯面上嘅免費糖果非常有心思大滿足!
Post
