話說之前係沙田河畔食過一次個粢飯
已經對入面超脆的油炸鬼念念不忘
估唔到今次會喺樂富見到開分店 即買
.
《狂人粢飯》
首先包裝已經比舊式老店就咁包保鮮紙更進一步
會包多張靚靚花紙pre-cut左俾你 裝入硬卡紙盒
食唔晒都可以整潔地帶返屋企
咬落粢飯軟硬適中 軟糯煙靭
內餡非常豐滿 有大量榨菜肉鬆
中心有大舊油炸鬼 非一般咁脆
點解可以包係舊飯入面都嗦嗦聲 因為即叫即包
.
《牛油果鰻魚玉子粢飯》
粢飯唔再淨係可以包榨菜肉鬆油炸鬼
仲可以好似日式飯團咁
鰻魚無泥味 玉子鬆軟帶甜
牛油果唔太顯 不過青瓜就突顯爽脆口感
估唔到呢個新式粢飯又幾唔錯
.
《鮮芋泥豆花》
扁身牛奶樽 揸上手亦覺好大樽
上層係黃豆豆乳 下層係誘人的奶紫色
是綿密的鮮芋泥 撈勻飲仍然飲到好香豆味
全天然無添加 先呈現最真實嘅豆味
主要甜味來自芋泥 口感夾雜着豆漿的順滑和芋泥的蓉
.
《黑白芝麻豆花》
同樣是冇任何添加 黑白芝麻味好出
某程度上我覺得好似芝麻糊
店員有額外提供糖漿 但係小編堅持唔需要
咁先飲到最真實嘅味道
