湯•米 (Changed Hand) New Restaurant

潮流而家興共享，近排政府仲要話連租屋都要同人共享。共享呢個概念sharing economy，有好有唔好，針冇兩頭利，但係其實獨享都可以好正。好似呢間（湯米）推出多款湯底嘅獨享一人鍋，有台灣最潮流嘅臭臭鍋，豚肉藥膳鍋，巴蜀烤魚鍋等等，幾個人都可以試曬唔同湯底。 近大門口有個大型台式飲品吧， 但係佢收銀位置遠離門口，應該比較難吸引加遊客入嚟叫杯珍珠奶茶（行街）。😉 星期日晚上九點鐘鋪頭仲好多人，如果想嚟嘅朋友要早啲過嚟等位，或者預早book位。 以前喺佐敦食過有間酥炸花枝墨魚丸超級好味， 同果度一樣咁高水準，外脆內軟，外面金黃，裏面仲有大塊墨魚肉，豐富咗墨魚丸嘅層次同口感。 巴蜀烤魚鍋， 雖然叫咗bb辣， 但係湯底依然對我哋嚟講都幾一辣。 吸引咗我哋嗌幾杯台式飲品，好好舒緩辣嘅感覺。湯底雖然銜巴蜀風 ，即四川地帶 但一般四川菜都會配大量花椒八角等等。 湯底又麻又辣 ，但係呢度嘅辣係比較出啲， 麻味不足， 可以有待加強。 成個打邊爐嘅煱底都幾特別， 全個都係用鋁做， 能夠好好保持高溫度打邊爐。 個人認為用鋁做嘅爐具或餐具煮出嚟嘅嘢食都有一種礦物質嘅味道，更加香口。 台灣貢丸，好彈牙。 滿杯