Shift

Open Now

Now Closed

在銅鑼灣路過見到新餐廳Shift，感覺幾chill，餐牌是主打西餐，有小食、沙律、主食及甜品，又可以飲返兩杯。餐廳半開放式設計幾開揚，燈光慢慢地轉顏色，增添不少情調。兩杯mocktail 相當色彩繽紛Mango Tango $68: 芒果加荔枝汁，有果香Blue Lagoon $68: 似雪碧味，幾清新意式風乾火腿配哈密瓜 $78鹹香的火腿配清新哈密瓜不錯太陽蛋火腿炸薯粒 $78炸薯粒好香脆，將太陽蛋與炸薯粒拌勻，有蛋汁更加美味。南蠻炸雞迷你漢堡 $48 個勁量的洋蔥絲，炸雞配沙律醬香脆不油膩，內裡多肉汁。白貝意粉 $138卡邦尼汁掛到每條意粉，味道濃郁。杜拜開心果脆絲法式吐司 $138法式吐司滿佈開心果脆絲，質地是脆卜卜，口感有趣，配雪糕一凍一熱好過癮。