樸生 (Closed)

自選紫菜拌飯係指1+2——自選一款主食材加兩款配菜。主食材揀左櫻花蝦，配菜揀左豉油冬菇同杞子。呢味餸玩得又食得！佢比左一對膠手套，比客人自己將食材混合。本身個人身子弱，覺得啲冷氣有d凍。朋友建議食呢個飯嘅時候以為呢個飯係凍，我唔想食凍野於是一口拒絕，但朋友話原來個飯係熱㗎，於是決定嗌。雙手掂到熱辣辣嘅白飯，好warm，暖入心！甜嘅杞子同鹹嘅鼓油冬菇味道匹配，加上櫻花蝦乾脆嘅口感同紫菜嘅香，成件事簡直係perfect match！咁多樣食物之中我最鍾意食四蔬煎餅，所謂四蔬係芋頭、冬菇、紫椰菜同甘筍絲。首先剩係個賣相已經相當吸引！紫椰菜嘅紫色好sharp！嗌呢個煎餅主要係食左咁多肉要食番d清清地嘅菜清一下腸胃。呢個煎餅全部食材都係菜，正中我下懷。減肥係女仔嘅終身職業，食呢個全素煎餅令我覺得個人好健康！