桃園眷村 (Closed)

第一次黎，叫左三樣野：肉躁蛋飯團，咸豆花同咸豆漿，原本以為咸豆漿係飲品，所以差d食唔哂肉躁蛋飯團似粢飯，以保鮮紙包住，比較油膩，因個人重口關係，都幾鍾意，油份滲透至飯既每一個位置，每粒飯都吸收左足夠既汁同油份，加上飯團咬口結實，口感唔錯，比起普通肉躁飯，裏面更加入油炸鬼碎同醡菜，有肉同蛋味之餘同時亦脆同爽口，幾有特色。咸豆花強烈推介，咬口同味道非常豐富，配料極多有：紫菜，辣菜甫，櫻花蝦，油炸鬼碎等等，加上嫩滑既豆腐同上湯。每款配菜都有鮮明既味道，一啖同時食到咁多種口感，有紫菜既海水味，櫻花蝦既咸香，辣菜甫既腌菜味道，油炸鬼碎既乾脆口感等，味道好正，味道有協助同互相配合，非常有新鮮感同風味。咸豆漿實際為弱化版咸豆花，唔辣重比佢少左d配料，似咸版既山水豆腐花多d配菜，實在非常普通，唔建議試。每樣野三十幾蚊，價錢尚算合理 la, 下次會encore試其他野