Video
Read full review
2024-08-14
708 views
平時日本菜食西餐都食得多巴西菜好似冇乜機會食，而呢間係巴西日本嘅fusion菜，夠晒特別。兩個人叫咗dinner set ，通常會有七個course，包括咗五個小食前菜，一個main course，一個甜品。唔好以為佢咁多款會每樣嘢得一件，而係真係份量足到你會有啲後悔貪心叫咗七個course嘅set。第一個嚟到嘅係呢一個木薯芝士粒，第一次食佢個樣好似粒粒西米露，但係口感就煙煙韌韌，聞落又好似炸豆腐，鹹鹹地脆脆地咁，幾好食㗎，不過你唔好睇佢幾粒咁樣其實都幾飽肚。另外我覺得最鍾意嘅前菜係呢一個醃三文魚，佢個煙燻三文魚嘅味道好香，再加埋柚子醋嘅酸酸甜，再加埋少少Wasabi蛋黃醬，味道真係出奇地夾同埋開胃。另一個就係甜酸醬炸雞，呢個都係幾飽肚，佢個醬汁酸酸甜甜比較似韓式甜酸醬。最重要嘅係佢唔會落咗好厚粉去炸，一咬啲雞肉係好嫩滑，勁多汁，真係超好味。跟住仲有呢個味噌茄子，初初見到個名以為係凍食，因為佢會加咗一啲羊乳酪同埋腰果，平時日式茄子都係燒嘅多，今次嘅Crossover係味噌加咗芝士係另外一種味道，不過我就略嫌佢偏鹹咗少少。最後一個前菜，佢會喺廚師推介，今日係漬醃牛肉，佢呢個汁都比較似三文
第一個嚟到嘅係呢一個木薯芝士粒，第一次食佢個樣好似粒粒西米露，但係口感就煙煙韌韌，聞落又好似炸豆腐，鹹鹹地脆脆地咁，幾好食㗎，不過你唔好睇佢幾粒咁樣其實都幾飽肚。
另外我覺得最鍾意嘅前菜係呢一個醃三文魚，佢個煙燻三文魚嘅味道好香，再加埋柚子醋嘅酸酸甜，再加埋少少Wasabi蛋黃醬，味道真係出奇地夾同埋開胃。
另一個就係甜酸醬炸雞，呢個都係幾飽肚，佢個醬汁酸酸甜甜比較似韓式甜酸醬。
最重要嘅係佢唔會落咗好厚粉去炸，一咬啲雞肉係好嫩滑，勁多汁，真係超好味。
跟住仲有呢個味噌茄子，初初見到個名以為係凍食，因為佢會加咗一啲羊乳酪同埋腰果，平時日式茄子都係燒嘅多，今次嘅Crossover係味噌加咗芝士係另外一種味道，不過我就略嫌佢偏鹹咗少少。
最後一個前菜，佢會喺廚師推介，今日係漬醃牛肉，佢呢個汁都比較似三文魚嗰一個，但係就冇咁酸。然之後佢個牛肉除咗腍身之外，仲有一個爽口嘅口感，係都幾出色嘅。
食完飯前菜，佢就會同你上主菜，我哋揀咗其中一個係豬肋排，平時食呢一個豬肋排都比較膩，佢呢一個配搭咗新鮮菠蘿俾你解下膩，都係一個幾好嘅配搭。
佢係用咗慢烤嘅方式，但係佢嘅肉質係超級腍，完全係入口即溶，真係輕輕一推已經可以骨肉分離。
而另外一個主菜我哋揀咗牛里肌，咁呢個部位係腍得來有口感。我哋揀咗三成熟，嚟到都真係啱啱好，粉嫩粉嫩咁嘅顏色真係好吸引，乜嘢都唔使點淨係配去灑咗上去嘅鹽粒已經好好味。而佢跟咗你嘅聚左右洋蔥蕃茄醬呢一款巴西特色嘅之外，仲有甜甜地嘅黃薑粉，佢個憤怒會形容好似食零食果種粟米薯波波調味粉咁，幾得意。
甜品方面，佢都係每一日會唔同。咁啱我哋今晚嘅係椰子蛋糕配芒果雪葩。平時唔係好食甜嘢嘅男朋友話呢一個椰子蛋糕好好食。因為佢唔係甜，而係清新嘅甜，再配上檸檬醬嘅酸，成件事俾佢中和咗，再加埋啲椰子片，成個口感都幾豐富，成個甜品俾佢食晒咁滯。
然後佢哋有啲新嘅Cocktail做緊promote係$188.2杯，我揀咗一杯西瓜，一杯熱情果。我自己係勁鍾意呢一杯西瓜為主嘅Cocktail，因為佢係sake底，酒味會比較溫和啲，令到個西瓜味更加出。
而另外一杯熱情果可能就會岩男士飲多啲，因為佢個酒味都比較重，而且冇乜甜味，以酸為主，真係睇吓你喜歡什麼口感啦。
Post
