所以我地嘅家庭聚餐就改咗下午黎莆田食盆菜
豐富到唔使食晚餐已經好滿足😝
.
🌟盤滿缽滿鮑魚大蝦盆菜 ($988/4人份)
新年最好就係食盆菜 因為咩餸都有d 仲可以一次過食晒各種高級食材🍲
呢個盆菜有12款食材 包括鮑魚、瑤柱、海參、花菇、蟶乾、雞翼、燒肉、髮菜、花膠、白靈菇、大蝦、蘿蔔
認真非常豐富 而且真材實料 份量好夠四人食😛
當中我最欣賞花膠煮得好滑又彈牙 而且鮑魚腍得黎又有𡁻口 海參亦都好出色
餐廳仲有提供6人、8人同12人份量 可以外賣自取
啱晒做節帶返屋企同家人分享👍🏻
.
🌟軟煎大黃花魚 ($188)
我地屋企好少食黃花魚🐟
見到menu介紹佢地用左福建寧德嘅黃花魚就諗住試下呢道福建菜
黃花魚先煎後炸 之後先加入醬汁燜煮
所以煮到魚肉外酥內軟 果然唔錯
.
🌟福建特色海蠣煎 ($119)
海蠣即係我地平日叫開嘅蠔仔 或者台灣嘅蚵仔🦪
大大粒蠔仔加埋蔥加埋蛋漿一齊煎
再加埋甜辣醬非常惹味 將蠔仔嘅鮮味更加提鮮
餐廳做緊海蠣節 一次過點兩款有海蠣嘅菜式只係平均$100
啱晒海鮮愛好者😚
.
🌟紅菇海鮮滷麵 ($108)
滷麵分量十足 雞湯湯底濃郁🍜
加上有好多材料 例如蝦、紅菇、香芹、椰菜、小棠菜同花甲
食起黎大滿足!
.
🌟莆田扁肉湯 ($22)
扁肉又係另一道有名嘅福建菜 我都係第一次食!
扁肉嘅從皮到餡都係肉做 食落好似魚皮餃🥟
皮又薄又煙韌 肉餡亦都鮮甜 細細粒一啖一口
而湯底係紫菜湯底 非常清甜
.
🌟酥炒芋芯 ($89)
呢個同反沙芋頭有啲唔同
芋頭外層係用糖漿緊緊包住
食落外酥內糯 鹹香微甜🤤
.
我地食飽之後 再加多個胎菊茶🍵
菊花茶寧神解膩 真係好滿足
1
